Осиё қитъасида ЖЧ-2018 ва Осиё кубоги-2019 қўшма саралашининг 2-босқичига якун ясалди. Саралашнинг 3-босқичига 12та терма жамоа йўл олгани ва улар саватчаларга ажратилгани ҳақида хабар бериб ўтгандик.

Саватчалар таркиби:
1-саватча: Эрон, Австралия
2-саватча: Жанубий Корея, Япония
3-саватча: Саудия Арабистони, Ўзбекистон
4-саватча: БАА, Хитой
5-саватча: Қатар, Ироқ
6-саватча: Сурия, Таиланд.

Ўзбекистон миллий терма жамоасининг тақвими жуда ўзига хос бўладиган бўлди. Жамоамиз дастлабки ўйинни 1 сентябрь — Мустақиллик куни Тошкентда 6-саватча вакили (Сурия ёки Таиланд)ни қабул қилади. Орадан 5 кун ўтиб 5-саватча жамоаси (Қатар ёки Ироқ) майдонига йўл оламиз. Октябрь ойида эса Ўзбекистон кетма-кет иккита ўйинни ўзида қабул қилади. Юртимизга 1 ва 4-саватча вакиллари ташриф буюришади. 

Дастлабки 4та ўйинда имкон қадар максимал жамғарилса, кўп нарса ойдинлашиб қолади. 

Ўзбекистон терма жамоасининг тақвими
1-тур, 1 сентябрь. Ўзбекистон – Сурия/Таиланд
2-тур. 6 сентябрь. Қатар/Ироқ – Ўзбекистон
3-тур. 6 октябрь. Ўзбекистон – Эрон/Австралия
4-тур. 11 октябрь. Ўзбекистон – БАА/Хитой
5-тур. 15 ноябрь. Жанубий Корея/Япония – Ўзбекистон
6-тур. 23 март. Сурия/Таиланд – Ўзбекистон
7-тур. 28 март. Ўзбекистон – Қатар/Ироқ
8-тур. 13 июнь. Эрон/Австралия – Ўзбекистон 
9-тур. 31 август. БАА/Хитой – Ўзбекистон
10-тур. Ўзбекистон – Жанубий Корея/Япония